முன்னேற்பாட்டுக் கூட்டம் வெற்றிகரமாக நடைபெற்றது

அறுவடை 2025 – தமிழ்நாட்டின் மிகப்பெரிய விவசாயக் கண்காட்சி நிகழ்வை முன்னிட்டு, இன்று உடுமலைப்பேட்டை ஜி.வி.ஜி ஆடிட்டோரியத்தில் முக்கியமான முன்னேற்பாட்டு கூட்டம் நடைபெற்றது.

இந்த கூட்டத்தில் முக்கிய அரசியல் தலைவர்கள், சங்க உறுப்பினர்கள் மற்றும் அரசுத் துறை அதிகாரிகள் கலந்து கொண்டு நிகழ்வின் ஏற்பாடுகள் குறித்து விரிவாக ஆலோசனை நடத்தினர்.

கூட்டத்தில் பங்கேற்ற முக்கிய விருந்தினர்கள்:

• திரு. கே. ஈஸ்வரசாமி, பாராளுமன்ற உறுப்பினர், பொள்ளாச்சி தொகுதி. மேலும் படிக்க
• திரு. கே. சண்முகசுந்தரம், தமிழிசை சங்கச் செயலாளர் மற்றும் முன்னாள் பாராளுமன்ற உறுப்பினர். மேலும் படிக்க
• திரு. எம். மத்தீன், உடுமலைப்பேட்டை நகராட்சி மன்றத் தலைவர். மேலும் படிக்க
• தமிழிசை சங்க உறுப்பினர்கள் மற்றும்
• சம்பந்தப்பட்ட அரசு துறை அதிகாரிகள்.

முக்கியமான விவாதங்கள்:

கூட்டத்தின் மையக் கருத்தாக, அறுவடை 2025 நிகழ்வின் போது பாதுகாப்பும், சீரான ஒழுங்கும் எவ்வாறு உறுதிசெய்யப்பட வேண்டும் என்பதற்கான திட்டங்கள் முன்வைக்கப்பட்டன.

இதில்,

• கண்காட்சிக்கான பாதுகாப்பு முறைமைகள்,
• கூட்டம் கட்டுப்பாடு நெறிமுறைகள்,
• வாகனங்கள் நிறுத்துவதற்க்குண்டான ஏற்பாடுகள்,
• குடிநீர் ஏற்பாடுகள்,
• சிறுநீர் கழிக்கும் வசதி வாய்ப்புகள்,
• மருத்துவ அவசர சேவைகள்,
• தீயணைப்பு ஏற்பாடுகள்,
• மக்கள் நுழைவு மற்றும் வெளியேறல் வழிகள்,
• பெண்கள் மற்றும் குழந்தைகளுக்கான பாதுகாப்பு ஏற்பாடுகள் ஆகியவை விரிவாக விவாதிக்கப்பட்டன.

CCTV கண்காணிப்பு அமைப்புகள், அறிவிப்பு மையங்கள், தண்ணீர் விநியோக நிலையங்கள், மற்றும் மருத்துவ அவசர சேவைகள் உடனடியாகச் செயல்படக்கூடிய வகையில் ஏற்பாடு செய்ய திட்டமிடப்பட்டது.

அத்துடன், அவசர நிலை சிகிச்சை அணிகள் அருகிலுள்ள மருத்துவமனைகளுடன் இணைந்து தயார் நிலையில் வைக்கப்படுவதும், காப்பீடு உறுதி செய்யப்பட்டது. பார்வையாளர்கள் பாதுகாப்பாக மற்றும் சிரமமின்றி நிகழ்வை அனுபவிக்க அனைத்து அம்சங்களும் கவனிக்கப்பட உள்ளது.

முடிவுரை:

இந்த முன்னேற்பாட்டு கூட்டம் மூலம், அறுவடை 2025 விழாவை சிறப்பாகவும், பாதுகாப்பாகவும் நடத்த வேண்டிய அனைவரின் பொறுப்புணர்வும் உறுதியும் வெளிப்பட்டது.
அனைவரும் ஒருமித்து செயல்பட்டு, இந்த விழாவை ஒரு சரித்திர சாதனை ஆக்குவோம் என்ற உறுதியுடன் கூட்டம் நிறைவுபெற்றது.

🌾 விவசாய வளர்ச்சியை கொண்டாட, அனைவரும் அறுவடை 2025 நிகழ்வில் கலந்து கொண்டு சிறப்பிக்க அழைக்கின்றோம்!